उदयपुर । रसुवामा आएको विनाशकारी बाढीका कारण उदयपुरका ११ जना सम्पर्कविहीन भएका छन्। सम्पर्कविहीन हुनेमा ५ वर्षीया बालिकादेखि ४२ वर्षसम्मका नागरिक रहेको जिल्ला प्रहरी कार्यालय उदयपुरले जनाएको छ।

प्रहरीका अनुसार त्रियुगा नगरपालिका–१४ बाजगराका १८ वर्षीय भेषराज माझी, २० वर्षीय मिलन माझी र ३२ वर्षीय चन्द्रबहादुर माझी सम्पर्कविहीन छन्।

यस्तै, त्रियुगा नगरपालिका–४ का देवेन्द्र घिमिरे, वडा नं. १० का मनिका विश्वकर्मा र रियाज विश्वकर्मा, वडा नं. १ का बालकुमार राई तथा वडा नं. ७ का धुर्व बस्नेत पनि सम्पर्कविहीन रहेको प्रहरीले जनाएको छ।

उदयपुरगढीका अरुण मगर तथा लिम्चुङबुङ गाउँपालिका–४ बलम्ताका सुमन समीर राई पनि सम्पर्कविहीन छन्।

खोजी तथा उद्धार जारी

सम्पर्कविहीन भएकाहरूको खोजी तथा उद्धारका लागि पहल भइरहेको प्रमुख जिल्ला अधिकारी मेखबहादुर मग्रातीले जानकारी दिए। आफन्तबाट प्राप्त सूचनाका आधारमा खोजी कार्यलाई तीव्रता दिइएको उनले बताए।

प्रहरीले सम्पर्कविहीन व्यक्तिबारे कुनै जानकारी प्राप्त भएमा नजिकैको प्रहरी कार्यालय वा सम्बन्धित आफन्तलाई जानकारी गराउन आग्रह गरेको छ।

Originally published on abcnews.com.np.