वाशिङ्टन (डिसी) । अमेरिकी राष्ट्रपति डोनाल्ड ट्रम्पले भोटेकोसी बाढीबाट भएको क्षतिप्रति चासो व्यक्त गर्दै नेपाललाई आवश्यक पर्ने जस्तोसुकै सहयोग गर्न अमेरिका तयार रहेको बताउनुभएको छ।

अमेरिकी समाचार संस्था एनबिसी न्यूजका अनुसार बिहीबार ह्वाइट हाउसमा आयोजित एक समारोहपछि सञ्चारकर्मीहरूसँग संक्षिप्त प्रतिक्रिया दिँदै राष्ट्रपति ट्रम्पले नेपाललाई सहयोग गर्ने प्रतिबद्धता व्यक्त गर्नुभएको हो।

भोटेकोसी बाढीबाट नेपालमा भएको ठूलो जनधनको क्षतिबारे नेपालका अधिकारीहरूसँग जानकारी लिएपछि राष्ट्रपति ट्रम्पले अमेरिकाले आवश्यक सहयोग गर्न तत्पर रहेको बताउनुभएको एनबिसी न्यूजले जनाएको छ।

“नेपाललाई आवश्यक पर्ने जस्तोसुकै सहयोग गर्न अमेरिका तयार छ,” राष्ट्रपति ट्रम्पलाई उद्धृत गर्दै एनबिसी न्यूजले जनाएको छ।

The United States is fully engaged with assisting Nepal during this very difficult time. https://t.co/pJspV425BT

— Ambassador Sergio Gor (@USAmbIndia) August 28, 2026

बाढीको क्षतिबारे चासो

राष्ट्रपति ट्रम्पले भोटेकोसी बाढीबाट भएको क्षति, प्रभावित क्षेत्रको अवस्था तथा उद्धार र राहतका लागि भइरहेको प्रयासबारे नेपालका अधिकारीहरूसँग चासो व्यक्त गर्नुभएको थियो।

नेपालमा बाढीका कारण ठूलो मानवीय तथा भौतिक क्षति भएपछि अन्तर्राष्ट्रिय समुदायबाट पनि सहयोग र ऐक्यबद्धताको अपेक्षा गरिरहेका बेला अमेरिकी राष्ट्रपतिको यो प्रतिक्रिया आएको हो।

एनबिसी न्यूजले राष्ट्रपति ट्रम्पको प्रतिक्रियालाई प्राथमिकता दिँदै नेपालमा आएको विनाशकारी बाढी र त्यसबाट भएको क्षतिबारे विस्तृत समाचार प्रकाशित गरेको जनाएको छ।

Originally published on abcnews.com.np.