काठमाडौं । भारतले भोटेकोशी बाढीबाट प्रभावित रसुवाका जलविद्युत् आयोजनाका सुरुङमा फसेका कर्मचारी तथा कामदारको उद्धारका लागि विशेष उद्धार टोली र आवश्यक प्राविधिक सामग्री नेपाल पठाएको छ।

भारतीय विदेशमन्त्री एस जयशंकरले सामाजिक सञ्जालमार्फत भारतले नेपालमा सुरुङ उद्धारका लागि टोली तथा आवश्यक सामग्री पठाएको जानकारी दिएका हुन्।

भोटेकोशी बाढीका कारण रसुवाका विभिन्न जलविद्युत् आयोजनाका सुरुङमा रहेका कर्मचारी तथा कामदारको अवस्था अझै चिन्ताजनक रहेको र उद्धारमा कठिनाइ भइरहेका बेला भारतले विशेष जनशक्ति तथा प्राविधिक सामग्री पठाएको हो।

A helping hand from India

The second consignment of 37.5 tonnes of HADR material, medicines and food packets has been handed over to Mr. Mahabir Pun, Minister for Science, Technology and Innovation to support Nepal’s flood relief and rescue efforts.

India remains committed to… pic.twitter.com/pYAp4YBjMX

— Randhir Jaiswal (@MEAIndia) August 27, 2026

भारतले उद्धार टोलीसँगै १० टन राहत सामग्री समेत नेपाल पठाएको जनाएको छ।

यसअघि पनि भारतले बाढी प्रभावितका लागि राहत सामग्री बोकेका दुईवटा विमान नेपाल पठाइसकेको थियो। पछिल्लो सहयोगले सुरुङभित्र फसेका नागरिकको खोज तथा उद्धारमा थप प्राविधिक सहयोग पुग्ने अपेक्षा गरिएको छ।

Originally published on abcnews.com.np.