टोकियो । तमु धिँ जापानले नेपाली नयाँ वर्षको उपलक्ष्यमा अप्रिल १५ तारिखका दिन जापानको टोकियोमा एक दिने फुटसल खेलको आयोजना गरेको छ ।

‘स्वास्थ्य, रास्ट्र र मेलमिलापका लागि खेलकुद’ भन्ने मुल नाराका साथ आयोजना गरिएको फुटसलमा फुकूओका, नागोया, ओकिनावाबाट ३२ टिमको सहभागिता थियो । फुटसल रनिङ शिल्डमा नेपाल युनाइटेड ३–० ले नतिजा आफ्नो हातमा पार्न सफल भयो । प्रथम युनाइटेडले ५ लाख ११ हजार १११ येनसहित मेडल, सम्मान पत्र ,शिल्ड प्राप्त ग¥यो ।

त्यसैगरी गोर्खे फुटबल क्लब दोस्रो भयो । गोर्खेले २ लाख ११ हजार १११ येन हात पा¥यो भने राइजिङ नेपालले तेस्रोमै चित्त बिझाउनु पर्यो । उसले एक लाख ११ हजार १११ येन पायो । राइजिङ लगातार दुई पटकको विजेता हो । सो खेलमा नेपाल युनाइटेड क्लबका खेलाडी रितन श्रेष्ठ उत्कृष्ट भए ।

आयोजक तमु धिँले सो अवसरमा नेपाली फुटबलका राष्ट्रिय टिमका प्रशिक्षक ग्योतोकु कोजीलाई तमु परम्पराअनुसार फेटा र भांग्रा लगाइ सम्मान गरेको थियो ।

बिजेता टोलीहरुलाई संस्थाका निवर्तमान अध्यक्ष श्री गुरुङ, पुर्व राष्ट्रिय फुटबल खेलाडी बसन्त गौचन, धिँका संरक्षक हर्क गुरुङ र धिँका अध्यक्ष अनिता गुरुङले पुरस्कार वितरण गरेका थिए ।

पुरस्कार वितरण कार्यक्रममा बोल्दै अध्यक्ष अध्यक्ष अनिता गुरुङले खेलकुद कार्यक्रमबाट भाइचाराको सम्वन्ध थप प्रगाढ भएको बताए । आगामी दिनमा कार्यक्रमलाई थप व्यवस्थित र उत्कृटता दिँदै निरन्तरता दिने अध्यक्ष गुरुङको भनाइ थियो । कार्यक्रम सम्पन्न गर्नका लागि सहयोग गर्ने सबैमा अध्यक्ष गुरुङले धन्यवाद दिए ।

सो कार्यक्रमका लागि करिब १५ लाख येन खर्च भएको छ । कार्यक्रमको सञ्चालन महासचिव चित्र गुरुङले गरेका थिए । कार्यक्रममा दर्शकको पनि भव्य उपस्थिति रहेको थियो ।