काठमाडौं । भदौ १० गते भोटेकोशी–त्रिशूली नदीमा आएको भीषण बाढीमा परी हालसम्म ९ सय ८७ जनाको शव फेला परेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बाढीमा परी ३ हजार ९ सय १६ जना अझै सम्पर्कविहीन छन् ।

प्राधिकरणका अनुसार रसुवामा २७, नुवाकोटमा ९५, धादिङमा ५५, गोरखामा ६५, तनहुँमा ३८, नवलपरासी पूर्वमा २ सय १६, नवलपरासी पश्चिममा १ सय ७० र चितवनमा ३ सय २१ जनाको शव फेला परेको छ ।

सम्पर्कविहीन हुनेमा नेपाल प्रहरीका २५, नेपाली सेनाका ४५, सशस्त्र प्रहरी बल नेपालका १३, भन्सार कार्यालयका १५ तथा अध्यागमन कार्यालयका ३ जना रहेका छन् । रसुवामा करिब ८ सय ६५ जना तथा नुवाकोटमा १ हजार ५ सय ५८ जना सम्पर्कविहीन रहेको प्राधिकरणले जनाएको छ ।

त्यस्तै जलविद्युत् आयोजनासँग सम्बन्धित ६ सय ३९ जना, विदेशी नागरिक ५ सय ८३ जना, विदेशी पर्यटकसँगै घुम्न गएका नेपाली १ सय ६४ जना, लाङटाङ राष्ट्रिय निकुञ्जका ३ जना र क्वारेन्टाइन कार्यालयका ३ जना पनि सम्पर्कविहीन रहेको विवरणमा उल्लेख छ ।

बाढीमा परी २ सय ७९ जना घाइते भएका छन् । सरकारले हालसम्म ११ हजार ८ सय १४ जनाको उद्धार गरेको जनाएको छ । बाढी प्रभावित क्षेत्रमा २१ हजारभन्दा बढी सुरक्षाकर्मी परिचालन गरी खोजी तथा उद्धार, राहत वितरण र शव व्यवस्थापनको काम जारी राखिएको छ ।

Originally published on abcnews.com.np.