काठमाडौं । इंग्लिस क्लब म्यानचेस्टर सिटीले कीर्तिमानी मूल्यमा अर्जेन्टाइन मिडफिल्डर एन्जो फर्नान्डेजलाई अनुबन्ध गरेको छ ।

सिटीले फर्नान्डेजलाई प्रिमियर लिग प्रतिद्वन्द्वी चेल्सीबाट भित्र्याउन बेलायती फुटबलकै सबैभन्दा बढी मूल्यको कीर्तिमानमा बराबरी गर्दै १२५ मिलियिन पाउन्ड तिरेको हो ।

गत सिजन लिभरपुलले न्युक्यासल युनाइडेटबाट स्विडेनका फरवार्ड एलेक्जान्डर इसाक अनुबन्धका लागि १२५ मिलियन पाउन्ड नै खर्चिएको थियो ।

सिटीका अहिलेका प्रशिक्षक इन्जो मारेस्काले चेल्सीमा रहँदा फर्नान्डेजसँग सहकार्य गरिसकेका छन् । रोड्री बार्सिलोना पुगेपछि सिटीले फर्नान्डेजलाई भित्र्याएको हो ।

चेल्सीका प्रशिक्षक जाभी एलोन्सोले क्लबका पछिल्ला दुई खेलमा फर्नान्डेजलाई मौका दिएका थिएनन् । यसैले फर्नान्डोले क्लब छाड्न मनासय बनाएका थिए ।

फर्नान्डो सन् २०२३ मा पोर्चुगिज क्लब बेन्फिकाबाट चेल्सी आएका थिए । उनले क्लबका लागि ११९ प्रिमियर लिगका खेलमा १९ गोल गरेका थिए ।

Originally published on abcnews.com.np.