काठमाडौं । साताको तेस्रो कारोबार दिन बुधबार नेप्से परिसूचक दोहोरो अंकले बढेको छ । बुधबार (भदौ १७ गते) नेप्से परिसूचक १५.४४ अंक अर्थात् ०.६१ प्रतिशतले बढेर २,५३८.११ विन्दुमा बन्द भएको हो । मंगलबार नेप्से परिसूचक ९.२४ अंकले बढेर २,५२२.६६ विन्दुमा पुगेको थियो । बुधबार कुल २ अर्ब ९३ करोड ६५ लाख ६० हजार १६७ रुपैयाँ बराबरको सेयर कारोबार भएको छ । अघिल्लो दिन २ अर्ब ९० करोड रुपैयाँ बराबरको कारोबार भएको थियो । यस दिन ७२ लाख ५८ हजार कित्ता सेयर ३९ हजार ५३१ पटक कारोबार भएको छ । कुल ३५४ कम्पनीको सेयर कारोबार हुँदा १८७ कम्पनीको सेयर मूल्य बढेको छ भने ८१ कम्पनीको घटेको छ । १० कम्पनीको सेयर मूल्य स्थिर रहेको छ । बुधबार सबैभन्दा बढी कमाउने तीन कम्पनीमा अप्पर लघुवित्त वित्तीय संस्था, माथिल्लो मैलुङ खोला जलविद्युत् र आत्मनिर्भर लघुवित्त वित्तीय संस्था रहेका छन् । त्यस्तै, सबैभन्दा बढी गुमाउनेमा एनएमबी बोन्ड, आरबीबी म्युचुअल फन्ड र कुथेली बुखरी स्मल हाइड्रोपावर रहेका छन् । उपसमूहतर्फ म्युचुअल फन्ड र निर्जीवन बीमा समूहको सेयर मूल्य घटेको छ भने बाँकी सबै उपसमूहको सेयर मूल्य बढेको छ ।

Originally published on abcnews.com.np.