काठमाडौं । एसीसी प्रिमियर कपअन्तर्गत साउदी अरेबियाविरुद्ध नेपालले पहिला फिल्डिङ गर्ने भएको छ।
मलेसियाको बायोमास ओभलमा भएको टसमा साउदी अरेबियाका कप्तान वाजी उदल हसनले टस जितेर पहिले ब्याटिङ गर्ने निर्णय गरेका हुन्।
नेपाल लगातार तेस्रो जित निकाल्दै एक खेलअगावै सेमिफाइनलमा स्थान पक्का गर्ने लक्ष्यमा मैदानमा उत्रिएको छ। नेपालले प्रतियोगितामा यसअघि बहराइन र आयोजक मलेसियालाई पराजित गरिसकेको छ।
यता, आफ्नो चौथो खेल खेलिरहेको साउदी अरेबिया पनि प्रतियोगिताको सुखद अन्त्य गर्ने योजनामा छ। साउदीले यसअघि हङकङ र मलेसियासँग पराजय व्यहोरेको थियो भने बहराइनलाई पराजित गरेको थियो।
नेपालका लागि आजको खेल समूह चरणमा आफ्नो पकड बलियो बनाउने महत्वपूर्ण अवसर हो भने साउदी लगातार दोस्रो जितको खोजीमा हुनेछ।
Originally published on abcnews.com.np.
प्रतिक्रिया दिनुहोस्