काठमाडौं । अल नासरले साउदी प्रो लिगमा पहिलो हार व्यहोरेको छ । शनिबार नासरलाई अल इत्तिहादले २–१ ले निरास बनाएको हो ।
किंग अब्दुल्लाह स्पोर्ट्स सिटीमा घरेलु टोली इत्तिहादलाई जित दिलाउन दुवै गोल जर्ज इलेनिखेनाले गरे । नासरका लागि एन्जेलो गाब्रियलले गोल फर्काए ।
खेलको चौथो मिनेटमै इलेनिखेलाको गोलमार्फत इत्तिहादले अग्रता लिएको थियो । २२औँ मिनेटमा उनैले टोलीको अग्रता दोब्बर बनाए ।
गाब्रियलले ३६औँ मिनेटमा गोल गर्दै नासरलाई खेलमा फर्काउन संकेत दिएका थिए । तर, त्यसपछि थप गोल निस्कन नसक्दा खेल २–१ को स्थितिमा सकियो ।
तेस्रो जितसँगै पाँच खेलमा ११ अंक जोडेको इत्तिहाद चौथो स्थानमा छ । पहिलो हार व्यहोरेको नासर समान खेलबाट १२ अंकका साथ दोस्रो स्थानमा छ ।
Originally published on abcnews.com.np.
प्रतिक्रिया दिनुहोस्