काठमाडौं । चलचित्र ‘बेहुली’को सशक्त ट्रेलर सार्वजनिक गरिएको छ । भदौ २६ गतेबाट प्रदर्शनमा आउन लागेको चलचित्रको ट्रेलरमा प्रेम, पारिवारिक सम्बन्ध, मित्रता र अवरोध छ ।

पारस बम ठकुरी र अभिनेत्री दिव्या रायमाझीबीचको प्रेमको केमेस्ट्रीले ट्रेलरमा प्राथमिकता पाएको छ । आठ वर्षपछि कमब्याक गरेका अभिनेता सुशान्त कार्कीलाई प्रहरीको भूमिकामा देखिएका छन् ।

ट्रेलर सार्वजनिक कार्यक्रममा चलचित्रका निर्माता अर्जुन पोखरेलले चलचित्रले बक्सअफिसमा गर्ने कुल कमाइबाट निर्माताको भागमा पर्ने सम्पूर्ण रकमको पाँच प्रतिशत प्रधानमन्त्री दैवी प्रकोप उद्धार राहत कोषमा प्रदान गरिने बताए ।

सशान कँडेलको निर्देशन र माधव शर्माको लेखन रहेको चलचित्रमा पारस, दिव्या, सुशान्तसँगै पदम तामाङ, सन्तोष बानिया, सरिता गिरी, विशाल पहारीलगायत मुख्य भूमिकामा छन् ।

Originally published on abcnews.com.np.