टोकियो,२० वैशाख । राष्ट्रिय युवा परिषद्का कार्यकारी उपाध्यक्ष माधव ढुंगेलले आफ्नो देशमा दुक्क भएर लगानी गर्न प्रवासी नेपालीहरूलाई अपील गर्नुभएको छ।
बुधवार टोकियोको शिनओकूबुमा नेपाल पत्रकार महासंघ जापानले आयोजना गरेको पत्रकार भेटघाट कार्यक्रममा ढुङ्गेलले मुलुक भित्रै लगानीको वाताबरण रहेकाले देशमा लगानी बढाउन प्रवासी नेपालीहरुलाई आग्रह गर्नुभयो ।

ढुङ्गेलले युवाहरूलाई देशमा नै स्वरोजगारको ब्यबस्था राज्यले गरिरहेको बताउदै विदेशमा रहेका नेपालीहरूलाई देशमा लगानी गर्नुपर्ने बताउनुभयो । उहांले विगतमा स्थायी र पुर्ण शक्तिसम्पन्न सरकार र स्थायी राजनितिक नभएका कारण देश विकास र सम्वृद्धिले गति लिन नसकेको र अब त्यो अबस्थाको अन्त्य भईसकेकाले मुलुक द्रुत विकासको बाटोमा अघि बढ्ने दाबी गर्नुभयो ।
कार्यक्रममा बोल्दै एनआरएनए आईसीसी प्रवक्ता तथा प्रवासी पत्रकार भुषण घिमिरेले नेपाल सरकारसंग समन्वय गरेर प्रवासी नेपालीहरुले विदेशको ज्ञान , शिप र लगानी गर्ने धारणा ब्यक्त गर्नुभयो ।