तिमी जब मेरो जीवनमा आयौ
हृदयमा प्रेमको झन्कार जगायौ

तिमी आउनलाई यसरी आयौ
जसरी हाँगाहाँगामा
हरियाली लिएर आउँछ वसन्त
प्रीतिको सुवास बोकेर आउँछन् फूलहरु
जीवनको नवीन आँकुरा लिएर आउँछ रिमझिम वर्षात्

तिमी आएपछि नै हो
मेरो भेट मसँग भएको
मेरो हिमाल मेरै आँखाहरूमा मुस्कुराएको
मेरो घाम मेरै निधारमा उदाएको
मेरो गुराँस मेरै गालाहरूमा फुलेको ।

तिमी आएपछि सिकेकी हुँ खुसीको कखरा
लेख्न थालेकी हुँ बालुवाको सिलोटमा संघर्षका कथा
अनिस पढ्न थालेकी हुँ पवित्र प्रेमको बाह्रखरी १

तिम्रा आँखामा ऐना हेरेपछि
मैले देखेकी हुँ
आँसुको अक्षरमा पनि मुस्कुराउने जीवन
दुस्खको गीतमा पनि छङछङाउने झरना
शीतको चिस्यानमा पनि मगमगाउने माटोको महक ।
तर
जसरी बगेको खोला कहिले फर्किदैन
जसरी बितेको समय कहिले फिर्ता हुँदैन
अनि जसरी गएको लोभलाग्दो बैँस
कहिल्यैे फर्केर आउँदैन
ठीक त्यसैगरी गयौ तिमी मबाट
जसरी मान्छे पनि यो संसारबाट जाँदैन ।

मगमगाउने फूल थिएँ म पारीजातको
तिमी हावाको बेग बनेर आयौ
मेरा जीवनका सपना फुलायौ,
अनि फुलेको सपनाका थुँगाहरूमाथि
गहिरा कलेजी यादहरू छोडी गयौ ।

तिमी आँखाबाट अनायास खसेको
आँसुको ढिका भएर गयौ
अमूल्य थियौ तर फिकाफिका भएर गयौ

जब तिमी गयौ मबाट
मेरो जीवनको पहाडमा पहिरो गयो
मेरा रहरका फाँटहरूमा धाँजा फाट्यो
मेरो यात्राको नीलो आकाशबाट
सधैंको लागि एउटा घाम अस्तायो ।

तिम्रै सम्झनामा हजारौंको बिचमा एक्लै छु आज
तिमी आउँदा असारु बनें म
तिमीसितै जीवनको साउनु बगें म
भोलि तिमीसितै तारा भएर बाँच्न चाहन्छु ।

उस् त्यो आकाशमा चमचम गर्दै
अन्धकार धर्तिमा पिलपिलाउने
प्रेमको दुईटा ताराझैँ अमर हुन चाहन्छु म
तिम्रै मधुर सम्झनासँगैस तिम्रै प्रेमको शितल छायासँगै ।

तिमीले उस् त्यो शिखरमा फरफराइरहेको
रातो झन्डा देख्यौ ?
त्यही झन्डामा टल्किरहेको
एउटा घाम तिमी हौस अर्को जून म हुँ ।