काठमाडौं, २० जेठ । नेपाली कांग्रेसका उपसभापति विमलेन्द्र निधिले कम्युनिष्ट बिचारधारा पतनको दिशातिर उन्मुख हुँदै गएको बताए ।
वन वातावरण श्रमिक संघको दोस्रो केन्द्रीय महाधिवेशनको आईतबार काठमाडौंमा उद्घाटन गर्दै उपसभापति निधिले नेपालमा कम्युनिष्ट पार्टीले गत निर्वाचनमा पाएको सफलतालाई कमिलाको प्वाख पलाएजस्तो भएको बताएका हुन । उनले विचारधाराको परिबर्तनसंगै कम्युनिष्ट शासन पनि पतनको दिशातिर उन्मुख भएको उल्लेख गरे ।

सरकारका १०० दिनको उपलब्धी हेर्दा आश गर्ने कुनै ठाउँ नरहेको भन्दै उनले सय दिनको समय पार्टी मिलाउनमै खर्च गरेको बताए । उपसभापति निधिले रक्सौल र कोराला नाकाबाट काठमाडौंमा रेल गुडाउने कुरा गरेर कम्युनिष्ट सरकारले भारत र चीनको चाकडी गर्नुबाहेक अरु केही काम नगरेको धारणा पनि ब्यक्त गरे ।
उनले आत्मप्रशंसामा समय खर्च गरेको सरकारका हरेक गतिबिधि अधिनायकबादतर्फ उन्मुुख भएको समेत आरोप लगाए ।