बुटवल, २० जेठ । नेपाली कांग्रेसका केन्द्रीय सदस्य तथा पूर्व अर्थमन्त्री डा. रामशरण महतले सरकारले ल्याएको बजेट बायुपंखी लक्ष्यले मात्रै भरिएको टिप्पणी गर्नुभएको छ । उहाले बजेटले निर्धारण गरेको लक्ष्य निर्धारणका लागी सरकार असफल भएको दाबी गर्नुभयो ।

बुटवलमा आयोजित एक कार्यक्रममा बोल्दै डा.महतले सरकारले सस्तो लोकप्रियताका लागी मिठा मिठा शब्द जाल भरेर बजेट बनाएको दाबी गर्नुभयो । एक वर्षमा ५ लाखलाई रोजगारी दिने बजेटमा उल्लेख गरीएपनि त्यसका लागि कुनै तयारी र अध्ययन नदेखिएको उहाको भनाई छ । उहाले भन्नुभयो ‘रोजगारी सिर्जना भनिएको छ तर त्यो कसरी कुन तरीकाले गरीने हो त्यो उल्लेख छैन्, शब्दमा मात्रै रोजगारी लेखेर हुन्छ ?’

सरकारले आर्थिक बृद्विदर ८ प्रतिशतको लक्ष्य लिएपनि पूजी लगानी बिना आर्थिक बृद्वि संभव नभएको भन्दै उहाले सरकारले पूजी लगानीलाइृ कर थोपरेर लगानीकर्तालाई निरुत्साहीत गर्न खोजेको आरोप लगाउनुभयो ।

आर्थिक बृद्विदर हाँसील गर्नका लागी कति पूजी लागनी गर्नुपर्छ त्यसतर्फ सरकारले सोच्दै नसोचेको उहाको भनाई छ ।

आर्थिक बृद्धिदर र पूजि लगानीमा ८० प्रतिशत नीजि क्षेत्र र २० प्रतिशतमात्रै सरकारी लागनी हुने गरेको उल्लेख समेत गनुभयो ।

आर्थिक बृद्विदर हाँसील गर्नका लागी कति पूजी लागनी गर्नुपर्छ त्यसतर्फ सरकारले सोच्दै नसोचेको उहाको भनाई छ ।

कांग्रेसका केन्द्रिय सदस्य समेत रहेका डा. महतले सत्तापक्षको मिठो मिठो कुरा सुनेर इन्नोसेन्ट भएर तालि बजाउने मात्रै काम भएको भन्दै प्रतिप्रक्षको भूमिका निभाउनु पर्ने बताउनुभयो ।

सरकारका कमी कमजोरी हेरिरहेका छौं तर भ्रम हटोस् हामी जिम्मेबारीमै छौं । कांग्रेस संगठन बिस्तार अभियानमा रहेको भन्दै उहाले कांग्रेस अब बलियो भएर अघि बढ्ने बताउनुभयो ।

‘कोठाकोठामा गुटबन्दी होला तर बाहिर छैन ,ब्यबस्थापकिय र संगठनात्मक कमजारी होलान् ,त्यो सुधार्छौ’ उहाले भन्नुभयो ।