वीरगञ्ज महानगरपालिका वडा नं १६ स्थित शंकराचार्य गेटमा चेकजाँचका क्रममा रक्सौलबाट बिरगंज तर्फ आईरहेको ना २७ प ३८११ नम्बरको मोटरसाइकलमा ३१ लाख ८० हजार प्रतिबन्धित भारतीय नोटसहित २ जनालाई प्रहरीले पक्राउ गरेको हो ।

पक्राउ पर्नेमा बारा जिल्ला कलैयाका चितरंजन प्रसाद र भारत विहार जिल्ला पुर्वी चम्पारणका रोहित केशरी छन् । मंगलबार पक्राउ परेका उनीहरुलाई प्रहरीले बुधबार पत्रकार सम्मेलनमार्फत सार्वजनिक गरेको हो ।

भारत विहार जिल्ला पुर्वी चम्पारणका रोहित केशरीले शरीरका विभिन्न भागहरूमा फिटिंङ गरी लुकाई राखेको २७ लाख ८० हजार र सोही मोटरसाइकल पछाडी सवार कलैयाका चितरंजन प्रसादको शरीरबाट ४ लाख बरामद गरेको पर्सा प्रहरीले जनाएको छ ।

भारतीय रुपैयाँ र पक्राउ परेका व्यक्तिहरुलाई आवश्यक कार्यवाहीको लागि राजश्व अनुसन्धान बिभाग हरिहर भवन पुलचोक ललितपुर पुर्‍याइदैछ ।