काठमाडौं, २६ जेठ । ज्योति खतिवडाको वाचा गर बोलको गीत एक कार्यक्रमका विच सार्वजनिक भएको छ । गितको मर्म भनेको मस्तिष्क पक्षघात भएका बालबालिकाहरुलाई आफै स्वाबलम्वि बन्न हौसला जगाउने रहेको छ ।

खतिवडा आफ्नै छोरा अर्वाचिन अधिकारी को साथमा भिडियो मा देखा परेकी छन् । यस गितमा अर्का बाल कलाकार बिणभ जोशीको उत्कृष्ट अभिनय रहेको छ । उनि सवलाङ्ग भएपनि अपाँगको भुमिकामा आफ्नो अभिनयलाई न्याय गरेका छन् । अपाङ्गता भएका बालबालिका लाई पनि सवलाङ्ग बच्चालाई सरह अवसर दिने हो भने उनीहरु हरेक क्रियाकलाप मा उत्कृष्ट हुदै अगाडी बढ्छन् भन्ने सन्देश गीतमा दिईएको छ।

गीतमा सङ्गीत एरेन्ज विनय के २ ले गरेका छन भने भिडियोको निर्देशन सशान कँडेल ले गरेका छन् । यस भिडियोमा छायाँकन ओम प्रशाई र सम्पादन निसान घिमिरेको रहेको छ । गितमा सम्पुर्ण आमाहरुको भावना समेटिएको र बच्चा हरु प्रतिको ममता मार्मिक तथा उत्कृष्ट ढङ्गले प्रस्तुत गरिएको छ। फरक धारमा बनेको यो बिशेष गीत, सङ्गीत पारखीहरुकालागि नयाँ स्वादको आएको छ ।