काठमाडौँ ,१ असार । बिहिबार बसेको मन्त्रिपरिषद् बैठकमा कर्णाली प्रदेश सरकारले विभिन्न विधेयक पारित गरेको छ ।
बैठकले वातावरण संरक्षणसम्बन्धी विधेयक, २०७५ को मस्यौदा प्रदेशसभामा पेश गर्न उद्योग, पर्यटन, वन तथा वातावरण मन्त्रालयलाई स्वीकृति दिन विधेयक पारित गरेको हो ।
कर्णाली प्रदेश आर्थिक विधेयक २०७५, कर्णाली प्रदेश ऋण उठाउनेसम्बन्धी विधेयक, २०७५ र कर्णाली प्रदेश विनियोजन विधेयक, २०७५ प्रदेशसभामा पेश गर्न आर्थिक मामिला तथा योजना मन्त्रालयलाई स्वीकृति प्रदान गर्नेसमेत निर्णय भएको सरकारका प्रवक्ता विमला केसीले बताइन्।
प्रदेश प्रहरीसम्बन्धी विधेयक, २०७५ को मस्यौदा तर्जुमाका लागि आन्तरिक मामिला तथा कानून मन्त्रालयलाई सैद्धान्तिक सहमति प्रदान गर्ने निर्णय गरेको पनि उनले जानकारी दिइन ।
प्रतिक्रिया दिनुहोस्