त्रिपुराकोट(डोल्पा) २ असार । त्रिपुरा सुन्दरी नगरपालिका अन्तर्गत वडा नं १ मा पर्ने त्रिपुराकोट बजारको अनुगमन गरिएको छ ।
जिल्ला प्रशासन कार्यालयको अगुवाईमा घरेलु, कोलेनिका, उद्योग बाणिज्य संघ, त्रिपुरासुन्दरी नगरपालिका, जिल्ला समन्वय ,प्रहरी, संञ्चारकर्मी सहितको टोलीले त्रिपुराकोट बजारका सम्पुर्ण होटेल पसलहरुको अनुगमन गरिएको हो ।

अनुगमन टोेलीले त्रिपुराकोटका विभिन्न होटेल पसलबाट म्याद नाघेका चाउचाउ, बिस्कुट,पेय पदार्थ लगाएतको दश हजार रकम बराबरका अखाद्य बस्तुहरु बरामत गरि नष्ट गरेको छ ।
जिल्लाको मुख्य बजारको रुपमा चिनिएको त्रिपुराकोट बजारको २९ वटा पसल अनुगमन गरिएको र त्यसमा २९ वटै पसलमा मुल्य सूची नराखिएको, ८ पसल प्यान दर्ता नभएको, ११ पसल साईन बोर्ड नभएको, बिल जारी नगर्ने पसल १७ वटा, नापतौल नगर्ने पसल ५ वटा पाईएको अनुगमन टोलीले जनाएको छ ।

त्रिपुराकोटका सम्पुर्ण पसलले मुल्यसुची बिनानै सामान बेच्ने गरेको पाईएकाले तत्काल उद्योग बाणीज्य संघ मार्फत मुल्य सूची झिकाएर आ–आफ्नो पसलमा टाँस्न समेत अनुगमन टोलीले निर्देशन दिएको छ ।

सदरमुकाम दुनैमै रहेका अधिकाशं पसलहरुले पनि मुल्यसुचीबिना सामान बिक्रिबितरणगर्ने गरेको अुनगमन टोलीको भनाई छ ।
गत बर्ष गरिएको अनुगमनले धेरै प्रभाव पारेको र उपभोक्त हितलाई मध्येनजर राख्दै जिल्लाका दुनै,जुफाल,त्रिपुराकोट लगाएतका मुख्य बजारहरु नियमित अनुगमन गरिने प्रजिअ भुपेन्द्र थापाले भन्नुभयो ।

“गत बर्ष म्याद नाघेका लाखौँको सामान नष्ट गराईएको थियो,अहि पत्येक पसल अनुगमन गर्दा त्यो अवस्था नरहेकाले दुर्गमका बजारमा अखाद्य बस्तुको बिगबिकी घट्दै गएको पाईको छ ”प्रजिअ थापाको भन्नुभयो ।
बजारमा किनबेचहुने सम्पुर्ण खाद्यबस्तुहरु प्रत्यक्ष रुपमा जनताकोे स्वास्थ्यसँग जोडिएकाले अनुमनलाई निरन्तता दिनुपर्ने स्थानीय बुद्धिजीवि पुर्ण केशर न्यौपानेले बताउनुभयो ।