काठमाडौं, २२ असार । बालाजु क्षेत्रमा आज दिनभर विद्युत् आपूर्ति बन्द हुने भएको छ । सडक विस्तारका लागि बिहान ७ बजेदेखि बेलुका ५ बजेसम्म विद्युत् आपुर्ति बन्द गर्न लागिएको नेपाल विद्युत् प्राधिकण बालाजु वितरण केन्द्रले जनाएको छ ।
बालाजु–नागार्जुन फिडर अन्तर्गत एमटीसी पर्खाल, जनजागृती, रोटरी क्लब, टौडोल, शितला स्कुल, रानीवन, बुद्धचोक, राधाकृष्ण हुँदै एकलटार क्षेत्रमा विद्युत आपूर्ति बन्द हुने केन्द्रका प्रमुख सुरज रेग्मीले जानकारी दिनुभयो ।
यसैगरी, बालाजु–धर्मस्थली अन्तर्गत पुरानो गुहेश्वरी, फुलबारी गेट, मुड्खु, बतासे डाँडा, धितालथोक, तिनपिप्ले, जरंखु, नेपालटार, मनमैजु, फुटुङ, जितपुर हुँदै छत्रेदेउरालीमा विद्युत आपूर्ति बन्द हुनेछ ।
प्रतिक्रिया दिनुहोस्