भारतीय कलाकार पुनम पाण्डेले काठमाडौंमा गर्ने भनिएको कार्यक्रम अन्यौलमा परेको छ । दरबारमार्गस्थित क्लब डेजबुमा कार्यक्रम तय गरिएको थियो।सो कार्यक्रमका लागि अनुमति नलिएकाले रोक्न निर्देशन दिइएको महानगरीय प्रहरी वृत्त दरबारमार्गका डिएसपी दानबहादुर मल्लले बताए। ‘सिडियो कार्यालयको अनुमति बिना त्यस्ता कार्यक्रम गर्न पाइँदैन,’ उनले भने,‘जबरजस्ती कार्यक्रम गर्न खोजे सबैलाई पक्राउ गर्छौ।’ शान्ति सुरक्षासँग सम्बन्धित विषय भएकाले अनुमति बिना त्यस्तो कार्यक्रम गर्न नमिल्ने प्रहरीको भनाई छ।

क्लबका सञ्चालकहरु आइतबार बिहान त्यस विषयमा छलफल गर्न प्रहरीमा गएका थिए। उनीहरुले सिडिओको अनुमती बिना कुनै पनि हालतमा कार्यक्रम गर्न नदिने बताएका छन् यदि प्रशासन बाट पत्र ल्याएको खण्डमा कार्यक्रम संचालन हुन्छ ।

विश्वकप फुटबलको फाइनल हेर्ने कार्यक्रममा क्लबले पाण्डेलाई अतिथिका रूपमा नेपाल बोलाएको थियो। आज पौने नौ बजे फ्रान्स र क्रोएसियाबीच हुने विश्वकप फाइनल खेल रसियामा हुँदैछ।

यसअघि गत मंसिरमा अन्तर्राष्ट्रिय डिजे ुमार्समेलोु आउने भनेर क्वल सञ्चालक विवादमा आएका थिए।