सुनसरी,५ साउन । धरान उप–महानगरपालिकाका मेयर तारा सुब्बाको आज अपरान्ह दाहसंस्कार हुँदै छ । उनको काठमाडौंको ग्राण्डी इन्टरनेशनल अस्प्तालमा साउन १ गते ५२ वर्षीय मेयर निधन भएको थियो ।

सुब्बाको धरान उपमहानगरको मुख्य मुख्य स्थानमा शवयात्रासहित धरान १८ स्थित हरियाली सामुदायिक वन उपभोक्ता समूहद्वारा संरक्षित वन क्षेत्रमा जातीय परम्परा अनुसार अन्तिम श्रद्धाञ्जलीसहित दाहसंस्कार गरिने कार्यक्रम रहेको छ ।

उनलाई अन्तिम श्रद्धाञ्जली दिन सरकारका तर्फबाट उप–प्रधानमन्त्री इश्वर पोख्रेल, प्रदेश एकका मुख्यमन्त्री शेरधन राईसहित अन्य नेताहरुको समेत सहभागिता रहेको छ ।

मेयर सुब्बाको पार्थीव शरीर बीपी कोइराला स्वास्थ्य विज्ञान प्रतिष्ठानको मोर्चुअरी विभागमा राखिएको थियो । उनको पार्थिव शरीर शनिबार बिहान साढे ११ बजेपछि श्रदाञ्जलीका लागि धरान १२ को पब्लिक माविको खेल मैदानमा राखिएको छ ।