दाङ,१० साउन । नेपाली काग्रेसका केन्द्रिय सदस्य डाक्टर शेखर कोईरालले न्यायलय र सरकार बीच मिलोमत भएको बताउनुभएको छ । लोकतन्त्रमा स्वतन्त्र न्यायपालिका हुने गरेको भएपनि कम्यूनिष्ट शासकहरुका कारण न्यायलयलाई समेत प्रभाबित पारिएको आरोप उहाले लगाउनुभयो ।

नेपाल प्रेस युनियन दाङ शाखाले बिहीबार तुलसीपुरमा आयोजना गरेको पत्रकार भेटघाट कार्यक्रममा उहाले भन्नुभयो,आजीवन जेल जीवनको सजाय तोकिएका वालकृष्ण ढुंङगेलको रिहाई त्यसको प्रमाण हो ।

लोकन्त्रतमा शक्ति पृथकिकरण हुनपर्छ न्यायलय र कार्यापालिका मिलेर आफुखुसी गर्न पाईदैन,तर सञ्चार माध्यमहरु पनि यस परिस्थीतिमा नसुने झै गर्न हुदैन काग्रेस नेता डाक्टर कोईरालाले बताउनुभयो । उहाले भन्नुभयो सरकारी सञ्चार माध्यममा कार्यरत पत्रकार त डराय डराय,अरु किन मौन,कार्यपालिका र न्यायपालिकाको मिलोमतोका बारेमा लेख्नुप¥यो नि ।

डाक्टर कोईरालाले भन्नुभयो,सरकारको दुई तिहाई दम्भका कारण लोकतन्त्र अत्यन्त बिषयम परिस्थीतिबाट गुज्रीरहेको छ । प्राज्ञीक संस्था र ब्यक्तिहरु माथि श्रृखलाबद्ध आक्रमण शूरु भएका छन् ।

नेपाल संस्कृत बिश्वबिद्यालयका उपकुलपति प्राध्यापक डाक्टर कुलप्रसाद कोईरालालाई अन्तराष्ट्रिय सम्मेलनमा जादै गर्दा अपहरण शैलिमा फर्काउनु,ट्रोमा सेन्टरका चिकित्सकलाई परिचय पत्र नगराईदिएको आरोपमा गृह मन्त्रालयमा अपहरण शैलिमा लानु,कर्णाली स्वास्थ्य बिज्ञान प्रतिष्ठान जुम्लामा अनसनरत डाक्टर गोबिन्द केसीको अनसनलाई निषतेज पार्न अस्पताल भित्र प्रहरीद्धारा गोलि चलाउनु,चिकित्सकहरुलाई लाठी प्रहार गर्नु,लोकतान्त्रीक सरकारले गर्ने कार्य यस्तै हुन्छ,उहाको प्रतिप्रश्न छ ।

नेपाल प्रेस युनियन दाङका अध्यक्ष सुशील बस्नेतको अध्यक्षतमा भएको कार्यक्रममा उहाले भन्नुभयो,शेरबहादुुर देउवा र केपी शर्मा ओली सरकारले बिगतमा अध्यादेश मार्फत पास गरेको चिकित्सा शिक्षा बिधेयक जस्ताको त्यस्तै संसदमा प्रस्तुत गर्नपर्छ र त्यहि छलफल गराईनुपर्छ ।

दुई तिहाई बहुमतको सरकारले यहि तरीकाको श्रृखलाबद्ध दम्भ देखाउदै जाने संकेत आएकाले प्रमुख प्रतिपक्ष दल नेपाली काग्रेसले साउन १५ गतेदेखि बिरोध कार्यक्रम शुरु गर्न लागेको जानकारी उहाले दिनुभयो ।

अर्को प्रसङमा नेपाली काग्रेस पार्टीलाई थप संगठीत,क्रियासील र प्रभाबकारी बनाउन गुट उपगुटको अन्त्य हुनुपर्ने बताउनुभयो । भदौमा महासमितिको बैठक राख्न नसके काग्रेस नेतृत्व आफ् असफलता तर्फ उन्मुख हुने चेतावनी दिनुभयो ।