आउन माया बसी देउ यो दिलैमा
तिम्रैलागि साँच्या छु जोवन ।
आउन…..

सुरिलो भाकामा मीठो गीत गाउने
मायालु हेराइले लठ्ठै बनाउने,
नशालु त्यो आँखा तिम्रो खोजिकनै पाइने
आउन माया बसी देउ यो दिलैमा

एक झलक देख्न पाउँदा मनै रमाउने
तिम्रो त्यो मायाले सारै सताउने
कस्तो रै” माया तिम्रो मनै एकहोर्‍याउने
आउन माया बसी देउ यो दिलैमा

योजना पुरीको सुन्दर आवाजमा संगीतकार राम कार्कीको संगीत रहेको गीत भर्खरै बजारमा निस्केको छ । कवि, गीतकार एवं साहित्यकार सुरेन्द्र महर्जन “अमर” को रचनाको यो गीतको भिडियो चाँडोभन्दा चाँडै बजारमा आउने गीतकारले बताउनु भयो । भिडियो बन्नुभन्दा पहिले नै अडियो बजारमा किन ल्याउनु भयो भनेर सोध्दा गीतकार सुरेन्द्र महर्जन “अमर” भन्नु भयो कि, मेरो १९ औं कृतिको रूपमा सार्वजनिक हुन लागेको गीतहरू सबै तयारीमा छन् ।
सबै गीतहरूको अडियो सार्वजनिक गरि सकेको र अब गीत संग्रहको रूपमा एल्बमको नाम अर्पण ( आधुनिक गीतहरू ) रहने छन् । जुन एल्बममा गायिका मेलिना राई चाम्लिङको स्वरमा दुइटा गीत गयिका योजना पुरीको आवाजमा एउटा र गायिका सुमित्रा सुनुवारको स्वरमा एउटा गीत रहने छ । सबै गीतहरूको रेकर्डिङ भै सकेको र चाँडै बजारमा अर्पण एल्बम आउने छ गीत र एल्बमका बारेमा भयो ।