लमजुङ,१८ साउन । लमजुङका सामुदायिक विद्यालय भर्ना अभियान र अंग्रेजी माध्यमको पढाईले प्रभावकारी बनेको छ । सरकारी विद्यालयमा विद्यार्थीहरुको संख्यामा बृद्धि हुनको कारण भर्ना अभियानले संकरात्मक भुमिका खेलेको देखिएको छ ।
अंग्रेजी र नेपाली माध्यममा पढाई भएपछि अभिभावक र विद्यार्थी निकै खुसी भएका छन् । सामुदायिक विद्यालयमा अंग्रेजी माध्यमको पढाई निजी विद्यालयको भन्दा गुणस्तरको बनाउन सकिन्छ ।

भर्ना अभियान कार्यक्रम जटिल भएपनि अंग्रेजी माध्यम पढाईले विद्यार्थीहरुमा रुचि बढेका छन् । अहिले जिल्लामा रहेका सामुदायिका विद्यालयहरुमा नेपाली र अंग्रेजी माध्यममा पढाई हुने गरेको छ ।

निजी स्कूलहरुमा जस्तैगरी अंग्रेजी माध्यममा पढाई हुँदै आएपछि सामुदायिक विद्यालयहरुमा विद्यार्थीहरुको संख्या बृद्धि भएको छ । सरकारी विद्यालयको पढाई दिनप्रति खस्कीदो अवस्थालाई मध्यनजर राखी अग्रंजी माध्यमवाट पढाई शुरु गरेको छ ।

लमजुङ अधिकांश सामुदायिक विद्यालयमा अंग्रेजी माध्यममा पढाई भईसकेको अवस्था रहेको छ । सामुदायिक विद्यालय विद्यार्थी भर्ना अभियानले विद्यार्थी संख्या बृद्धि भएको शिक्षा विकास तथा समन्वय इकाई लमजुङले जनाएको छ ।

अहिले लमजुङ जिल्लामा सामुदायिक विद्यालयको संख्या तीन सय ४८ रहेको छ । जसमा मावि ७९, निमावि ३२ र प्रावि २३७ रहेको शिक्षा विकास तथा समन्वय इकाई प्रमुख नारायण रेग्मीले बताए ।

उनका अनुसार जिल्लामा १४ हजार ४ सय तीन विद्यार्थी संख्या रहेको छ, जसमा छात्रको संख्या छ हजार सात सय २४ र छात्राको संख्या सात हजार छ सय ७९ रहेको छ । मावि तहमा विद्याथी संख्या दुई हजार दुई सय ३२ रहेको छ, जसमा छात्र एक हजार १७ र छात्रा एक हजार दुई सय १५ रहेको छ ।

निमावि तहमा विद्यार्थी संख्या दुई हजार छ सय ६९ रहेको छ, जसमा छात्र एक हजार दुई सय ४८ र छात्रा एक हजार चार सय २१ रहेको छ । प्रावि तहमा विद्यार्थी संख्या नौ हजार पाँच सय दुई रहेको छ, जसमा छात्र चार हजार चार सय ५९ र छात्रा पाँच हजार ४३ रहेको छ ।