काठमााडौं, २० साउन । पूर्व सांसद कमलप्रसाद पंगेनीको निधन भएको छ । नेपाली कांग्रेसको स्याङ्जाका जिल्ला सभापति समेत रहेका पंगेनीको ५८ वर्षको उमेरमा गएराती स्याङजाको भीरकोटमा निधन भएको हो ।
पंगेनी भिरकोट नगरपालिकाका कांग्रेस नेता तोयानाथ अर्यालको घरमा सुतेकै बेला अचेत भेटिनुभएको थियो । उहाँलाई बिहानै कालिका सामुदायिक अस्पतालमा लगेपनि अस्पतालले मृत घोषणा गरेको अर्जुन खनालले जानकारी दिनुभयो ।
नियमित भेटघाटबाट फर्कदा असहज महसुस भएपछि गल्याङ सामुदायिक अस्पतालमा स्वास्थ्य जाँच गराउनुभएको थियो । २०३५ सालदेखि राजनिति सुरु गरेका पंगेनी २०७० सालको चुनावमा स्याङजा २ बाट प्रत्यक्षतर्फ निर्वाचित हुनुभएको थियो ।
प्रतिक्रिया दिनुहोस्