धनकुटा,२० साउन । जिल्लाको चौविसे गाउँपालिकामा पोखरीमा माछा मार्ने क्रममा डुबेर एकजनाको मृत्यु भएको छ ।

मृत्यु हुनेमा चौबिसे गाउँपालिका वडा नं. २ का ३४ वर्षीय धर्वेन्द्र केपछाकी मगर रहेका छन। स्थानिय लाष्टे भन्ने ठाउँमा रहेको सुठुम तालमा शनिबार बेलुका ८ बजेतिर माछा मार्न गएका मगरको डुबेर मृत्यु भएको धनकुटा प्रहरी प्रमुख एसपी सुरेन्द्र बहादुर गुरुङले जानकारी दिए।

चौबिसे गाउँपालिकाले चिस्याङ खोलाको पानीलाई बाधँ काधेर पर्यटकीय क्षेत्र बनाउन ताल थालेको थियो। सो तालमा मगर स्थानीय गजेन्द्र खुलाल, हेम बहादुर मगर र संगित मगरसँग माछा मार्न गएका मगर तालमा पसेको र उनी डुबेपछि अरु तालमा नपसि डोरीको सहायताले बचाउन खोज्दा नसकेको जानकारी आएको प्रहरी प्रमुख गुरुङले बताए।

घटनास्थलमा प्रहरी र जनप्रतिनिधी सहित स्थानीयको टोली पुगेर बाधँ खोली शव निकालिएको र शवलाई पोष्टमार्टमको लागि आइतबार बिहान धनकुटा अस्पताल ल्याउँदै गरिएको प्रहरी प्रमुख गुरुङले बताए।