चितवन, २४ साउन । नेपालमानै पहिलो पटक चितवनको रत्ननगरमा कोरियाली कम्पनि एसवाई प्यानलले आफ्नो उत्पादन शुरु गरेको छ । फेब्रिकेटेड भवन निर्माण सम्बन्धि सामान उत्पादन गर्ने कम्पनीले यसै हप्तादेखि उत्पादन शुरु गरेको हो ।

चितवनको रत्ननगर स्थित पिठुवामा नेपालमै पहिलो पटक कोरियाली कम्पनि एसवाई प्यानलले आफ्नो उत्पादन शुरु गरेको छ । कोरियन प्रबिधिबाट आवास निर्माण गर्ने र आँफ्नो ब्यापार एसियाली मुलुकमा बिस्तार गर्ने उद्देश्य सहित चितवनबाट उत्पादन सुरु गरेको कम्पनीले बताएको छ ।

कम्पनिबाट विभिन्न रंगहरुमा छाना तथा वाल प्यानलहरु उत्पादन शुरु गरेको हो । बिभिन्न रंगको छाना र वाल २ देखि ६ इन्चीसम्म बाक्लो उत्पादन गरिने कम्पनीले जनाएको छ ।

शतप्रतिशत कोरियन प्रबिधि र लगानीमा स्थापना गरिएको सो कम्पनिको उत्पादनहरु भुकम्प प्रतिरोधी ,सस्तो , छिटोछरितो , ६० बर्ष टिकाउ हुने जनाइएको छ ।

७२ करोड रुपैयाँ अधिकृत पुंजी रहेको सो कम्पनीले नेपालमा पहिलो पटक आधुनिक प्रबिधिद्वारा प्यानल उत्पादन शुरु गरिएको जनाइएको छ ।

कम्पनीले नेपालमा गएको महा भुकम्प गएपछाडि सुरक्षित आबास अबधारण अनर्तगत आँफ्नो सेवा नेपालमा बिस्तार गरिएको कम्पनीका महाप्रबन्धक देवेन्द्र सम्बाहाम्फे जानकारी दिनु भयो ।

कम्पनिद्वारा उत्पादन हुने छाना र वाल गर्मि क्षेत्रका लागि बरदान हुने जनाइएको छ । सो छानाले ८ देखि १० डीग्रीसम्म तापक्रम रोक्न सहयोग गर्छ । यो प्रविधिले चितवन लगायत तराइबासिलाई गर्मिबाट बच्न ठुलो सहयोग गर्ने छ । त्यसैगरी पहाडी र हिमाली भागमा बसोबासका लागि सहज हुने बताईएको छ ।

१२ सय डिग्रीको तापक्रम कलर कोट गरिएको स्टील दुई तिर र बिचमा पोलिटाइरोन इन्सुलेसन गरिने भएकोले यो प्यानलले चिसो तातो रोक्न मद्दत गर्दछ । ४३ जिल्लामा डिलर वितरण गरिसकेको र कोल्डस्टोरको लागि चाहिने प्यानलसमेत उत्पादन गरिरहेको कम्पनीले आधुनिक प्रविधिमै स्टीलको ढोका र यूपिभिसी झ्याल समेत उत्पादन गर्ने गरिएको कम्पनीका निर्देशक चोल डङ ईलले बताए ।

कम्पनीले हाल दैनिक १५ सय मिटर उत्पादन क्षमता रहेको कम्पनिले हाल ४० भन्दा बढीलाई रोजगारी दिएको छ । अबको ३ बर्ष्भित्र हरेक नेपालीको घरमा पुग्ने योजना सहित अगाडि बडेको यस कम्पनीले १ तला देखि ५० तला सम्म घर तथा महलहरु निर्माण गर्दै आएको छ ।

यो प्यानलले आवाशीय भवनहरुका साथै सरकारी भवन,बिद्यालय,अस्पताल,ह्याचरी,हाइड्रोपावर, एयरपोर्ट,रंगशाला,जीम हल,सैनिक प्रहरी क्याम्प,कारखाना,होटेल,रिसोर्ट,डिपार्टमेन्ट स्टोर,पार्टी प्यालेस निर्माण गर्न सकिन्छ ।