काठमाडौं , २६ साउन । पुरातात्विक महत्वका धार्मिक, सांस्कृतिक तथा प्राकृतिक सम्पदा संरक्षणको माग गर्दै शनिबार बसन्तपुरको काष्ठमण्डप देखि ललितपुर खोकना सम्म साईकल ¥याली गरिएको छ ।

सम्पदाप्रेमी युवाहरुले शनिबार सरकार तथा सम्बन्धीत निकायको सम्पदा संरक्षणमा ध्यानाकर्षण गराउन साईकल ¥याली गरेका हुन् । सम्पदा संरक्षणमा दत्तचित्त भएका प्रकृति प्रेमी युवाहरुलाई बर्षादको पानीले खासै असर गरेन ।

कोही रेनकोट मा त कोही पानीमा भिजेर नै साईकल ¥यालीमा सहभागीता जनाईरहेका देखिन्थे । कतिपय विकासले जनताको खुसी खोस्ने काम भएको भन्दै उनीहरुले जनतामा खुसी ल्याउने विकास गर्न सरकारलाई सचेत गराए ।

विशेष गरेर विकास निर्माणको चपेटामा परेर आफ्नो ऐतिहासिक पुरातात्वीक सांस्कृतिक धरोहरहरु गुमाउने खतरामा परेका खोकनाबासीको पीडालाई उचित सम्बोधन गर्न पनि युवाले सरकारको ध्यानाकर्षण गराएका छन् ।

२०७२ को महाभुकम्प पछि सम्पदा प्रेमी युवाहरुले हरेक बर्ष साउन र भदौको बीचमा भुकम्पले क्षति पुर्याएका सम्पदाको पुर्ननिर्माण र संरक्षणको माग गर्दे साईकल र्याली गर्दै आएका छन् ।