काठमाडौं, २८ साउन । सुरक्षित भविष्यका लागि युवाले चाल्नुपर्ने कदमलाई मध्यनजर गर्दै शिक्षा प्रदायक संस्था प्लाटोनिक इजुकेशन सर्भिसले सोमवार राजधानीमा ‘करियर टक’ आयोजना गरेको छ ।

कार्यक्रम प्लस टु सकेका पिद्याथीलाई लक्षित गर्दै आयोजना गरिएको हो । करियरसँग सम्बन्धित रहेर बैंक तथा वित्तीय संस्था, पर्यटन, आइटीका साथै प्रेरणात्मक तथा आत्मविश्वास कसरी मझबुत बनाउदै अघि बढ्ने भन्ने बिषयमा कार्यक्रमका वक्ताहरुले आफ्नो भनाइ राखेका थिए ।

कार्यक्रममा मेघा बैंककी सीईओ अनुपमा खुन्जेलीले भविष्यलाई सुरक्षित पार्नको निम्ति अहिलेदेखि नै वचतको अवधारणालाई आत्मसाथ गदै अघि बढ्नुपर्ने बताउनुभयो । आफ्नो सफलताको उदाहरण दिँदै उहाँले सफलताका लागि अहिलेदेखि नै प्रशस्त तयारी हुनुपर्ने धारणा राख्नुभयो ।

यस्तै, नेपाल टुरिजम बोर्डका निर्देशक दिपक महतले टुरिजममा भविष्य खोज्न चाहने युथका लागि प्रसस्त अवसर रहेको बताउनुभयो । आम्दानीलाई बहिर्गमनबाट रोक्ने एकमात्र क्षेत्र पर्यटन भएकाले यो पुस्ताले यसलाई प्राथमिकतामा राखेर अघि बढे आफ्नोसँगै समग्र राष्ट्रको नै हित हुने उहाँको भनाइ थियो ।

कार्यक्रममा सञ्चारकर्मी तथा हास्य कलाकार सन्दिप क्षेत्रीले आफ्नो जीवन भोगाई प्रस्तुत गर्दै जीवनमा कहिल्यै हरेस नखाइ अघि बढ्न सके एकदिन सफलता अवस्थ हात पार्ने विश्वास व्यक्त गर्नुभयो । राजधानीका विभिन्न कलेजका साथै संघसस्थाको सहभागीतामा आयोजित कार्यक्रममा प्लाटोनिक इजुकेशनका सीईओ अजय महतले असफलताबाट पाठ सिक्दै सफलताको मार्गलाई पछ्याएर अघि बढनुपर्ने धारणा राख्नुभएको थियो । कार्यक्रममा प्लस टु सकेका झण्डै ३ सय बिद्यार्थीहरु सहभागी थिए ।