हुम्ला, २९ साउन। हेलिकप्टर पछाडिको पंखाले काट्दा हुम्लाको हिल्सामा एक भारतीय नागरिकको मृत्यु भएको छ ।
मानसरोवर कैलास यात्राका लागि हुम्लाको सिमिकोट एयरपोर्टबाट हिल्साको हेलिप्याड जाने क्रममा मनाङ एयरको हेलिकप्टरको पंखाले काट्दा भारतीय नागरिक कार्तिक मेहताको मृत्यु भएको हो ।
हिल्सामा हेलिकप्टर ल्याण्ड भइसकेपछि ओर्लिने क्रममा मेहता अगाडि जानुपर्ने ठाउँमा पछाडितिर गएका थिए । गलत दिशातिर जाँदा हेलिकप्टरको पछाडिको पंखाले उनलाई लागेको थियो । प्रहरीका अनुसार पंखाले लाग्दा उनको मृत्यु भएको हो । हेलिकप्टरको पनि पछाडिको भाग पूर्ण रुपमा क्षति भएको छ ।
प्रतिक्रिया दिनुहोस्