काठमाडौं ५ भाद्र । विप्लव’ नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मा ‘प्रकाण्ड’लाई आज अदालतमा उपस्थित गराइने भएको छ ।
उनलाई व्यापारीसँग चन्दा असुलेको आरोपमा प्रहरीले पक्राउ गरेको थियो । सर्वोच्च अदालतका न्यायाधीश इश्वर खतिवडाको एकल इजलासले सोमबार विश्वकर्मालाई पक्राउ गर्नुको कारणसहित २४ घण्टाभित्र उपस्थित गराउन आदेश जारी गरेकाले उनलाई अदालतमा उपस्थित गराउन लागिएको हो ।
विश्वकर्मालाई यही भाद्र १ गते न्यायाधीशहरू चोलेन्द्रशम्शेर राणा र तेजबहादुर केसीको संयुक्त इजलासले सर्वोच्च अदालतका मुख्य रजिष्ट्रार राजन भट्टराई र नेपाल बार एसोसिएसनका अध्यक्ष शेरबहादुर केसीको रोहवरमा छाड्न आदेश दिएको थियो । तर, आदेश आएकै दिन राति पुनः विश्वकर्मा पक्राउ परेका थिए ।
प्रतिक्रिया दिनुहोस्