काठमाडौं,९ भाद्र । बालीका निर्मला पन्तको घटनामा प्रहरी अनुसन्धानमाथि प्रश्न उठाउँदै डडेल्धुरामा पनि आज प्रदर्शन गरिएको छ ।

बलात्कारपछि हत्या गरिएकी कञ्चनपुरकी १३ वर्षीया बालीकाको बलात्कारपछि हत्या गर्ने वास्तविक अपराधीलाई प्रहरीले उम्काउन खोजेको भन्दै आम नागरिकहरुले आन्दोलन गरेका हुन् ।

त्यस्तै आन्दोलनमा सहभागी किशोर सनि खुनालाई गोली हानी मारेको भन्दै डडेल्धुरामा शनिवार आन्दोलन गरेको हो ।

सोमबार अभियुक्तका रुपमा दिलिप विष्टलाई सार्वजनिक गरेर मुख्य अपराधीलाई उन्मुक्ति दिइएको यहाँका नागरिक अगुवाहरुले प्रहरी प्रशासनमाथि अाराेप लगाएका छन्। प्रहरीले वास्तविक अपराधी लुकाई मानसिक सन्तुलन गुमेका व्यक्तिलाई दोषी देखाएको उनीहरुको भनाइ छ ।

सोमबार अभियुक्तका रुपमा दिलिप विष्टलाई सार्वजनिक गरेर मुख्य अपराधीलाई उन्मुक्ति दिइएको यहाँका नागरिक अगुवाहरुको आरोप छ ।

आन्दोलनमा उत्रिएकाहरुले गृहमन्त्रीको समेत राजीनामासमेत माग गरेका छन । आन्दोलनमा नागरिक समाजका अगुवा, स्थानीय समाजसेवी, पत्रकार, उद्योगी व्यवसायीलगायतको सहभागिता रहेको थियो ।