काठमाडौं ,११ भाद्र । कञ्चनपुरकी किसोरी हत्याको अनुसन्धानमा पक्राउ परेका बम दिदि बहिनीलाई अदालतले तीन दिन थुनामा राखेर अनुसन्धान गर्न अदालतले अनुमती दिएको छ । जिल्ला अदालत कञ्चनपुरले तीन दिनको म्याद दिएको कञ्चनपुरका प्रहरी प्रमुख एसपी कुबेर कडायतले जानकारी दिएका दिएका छन ।

उनीहरुकै घरमा जाँदा पन्तको हत्या भएको थियो । उनीहरुमाथि प्रहरीले राम्रोसँग अनुसन्धान नगरेको भन्दै मृतकका आफन्त प्रहरीसँग आक्रोश भई आन्दोलन गरेका थिए । रोशनी निर्मलाकी साथी हुन् । रोशनी र बवितालाई यसअघि प्रहरीले सामान्य सोधपुछ गरेर छोडिदिएको थियो । जिल्लामा नयाँ प्रहरी नेतृत्व गएपछि उनीहरु शनिबार पक्राउ परेका हुन ।

गत साउन १० गते पन्तको बलात्कारपछि हत्या भएको थियो । प्रहरीले स्थानीय दिलीपसिंह बिष्टले हत्या गरेको भन्दै सार्वजनिक गरेको थियो । बालिकाको बलात्कार र हत्याका विषयमा गृहमन्त्रालयका सहसचिव हरिप्रसाद मैनाली नेतृत्वको उच्चस्तरीय छानबिन समितिले घटनास्थल पुगेर अनुसन्धान गरिरहेको छ ।