बुटवल, २३ भाद्र ।
नेपाली कांग्रेसका सभापति शेरबहादुर देउवाले पत्रकारीता पार्टीभन्दा माथि हुनु पर्ने बताउनुभएको छ ।
स्थानीय बुद्ध टेलिभिजनको बार्षिक उत्सव समारोहको अवसरका बुटवलमा आयोजित कार्यक्रममा बोल्दै सभापति देउवाले संचारजगतले ततस्थ भएर काम गर्नु पर्ने बताउंदै कांग्रेस सधै प्रेस स्वतन्त्रताको पक्षमा रहेको स्पष्ट पार्नुभयो । उहांले पार्टी बिशेषको पक्षमा लाग्ने सिडीओलाई कांग्रेसले बांकी नछाड्ने चेतावनी दिंदै रुपन्देहीका प्रमुख जिल्ला अधिकारीले पार्टी बिशेषको कुरा सुनेको आरोप लगाउनुभयो ।
यस अघि बुद्ध टेलिभिजनको साधारणसभा सम्बन्धि शेयरधनीका बिच बिबाद देखिएपछि जिल्ला प्रशासन कार्यालय रुपन्देहीले निर्वाचन स्थगन गर्ने आदेश दिएको थियो ।
कार्यक्रममा बोल्दै नेपाली कांग्रेसका सचेतक बालकृष्ण खांडले वर्तमान सरकार ज्ञानेन्द्र पथमा हिंडन खोजेको आरोप लगाउनुभयो । कर, बजारभाउ, राजश्व बढाएर सरकार प्रेस माथि अंकुश लगाउन अग्रसर भएको खांडको आरोप थियो ।
कांग्रेस केन्द्रिय सदस्य चन्द्र भण्डारीले पैसा, सम्पत्ती र स्वार्थका कारण नेपालको बिकास नभएको बताउंदै पार्टी नेतृत्वले स्वार्थ त्यागे नेपाल स्वर्ग बन्ने बताउनुभयो । सभामा उपस्थित पार्टी सभापतिलाई निशाना लगाउंदै भण्डारीले नेतृत्वले गम्भिरतापुर्वक बिश्लेषण नगरेका कारण दिनहुं नेपाली युवा बिदेशीन बाध्य हुनु परेको बताउनुभयो ।
१० वर्ष पुुरा भएको अवसरमा टेलिभिजनले आयोजना गरेको कार्यक्रममा बिभिन्न बिधाका ब्यक्तित्वहरुलाई सम्मान गरिनिुका साथै सांगितीक कार्यक्रम समेत प्रस्तुत गरिएको थियो ।