काठमाडौं,१२ असोज । बडिमालिका नगरपालिका–४ मा भीरबाट खसेर एक जना बालिकाको मृत्यु भएको छ । मृत्यु हुनेमा बडिमालिका नगरपालिका–४ रिला बस्ने काशी चदाराकी १५ वर्षकी छोरी पूजा चदारा रहेकी छन् ।
भैंसीका लागि घाँस काट्न गएको बेला गाउँ नजिकैको भाँटीकुणा भीरबाट खसेर पूजाको मृत्यु भएको हो । विहान ११ बजेतिर घटना स्थलमै मृत्यु भएको स्थानीय नरेन्द्र नाथले बताएका छन् ।
नेपाल राष्ट्रिय मावि जडाङ्गनान अध्ययनरत पूजा विद्यालय नगएर भैसीका लागि घाँस काट्न गएकी थिईन् । घाँस काट्ने क्रममा खुट्टा चिप्लीएर भीरबाट खसेको हुन सक्ने अनुमान गरिएको छ ।
प्रतिक्रिया दिनुहोस्