काठमाडौं,२५ असोज । अर्घाखाँची जिल्लामा विगत ४ वर्षदेखी क्रियाशिल रुपमा सक्रिय पत्रकार घनश्याम पौडेलले आफनो २० औं जन्मोत्सवको अवसरमा शैक्षीक सामाग्री वितरण गरेका छन । एविसी टेलिभिजनका अर्घाखाँची संवाददाता समेत रहेका पौडेलले आफुले अध्ययन गरेको पाणिनी गाउँपालिका ६ धातिवाङ्ग ढावमा रहेको श्री कालिका आधारभुत विद्यालका २७ जना विद्यार्थीलाई शैक्षीक सामाग्री वितरण गरेका हुन ।

शैक्षीक सामाग्री हस्तान्तरणमा वडा अध्यक्ष शुभबहादुर सारु, नेविसंघका जिल्ला अध्यक्ष युवराज पाण्डेले प्रति विद्यार्थी दुई वटाका दरले कापी र कलम वितरण गरे । वडा अध्यक्ष सारुले पत्रकार पौडेलले सामाजिक काममा लागेको भन्दै सफलताको शुभकामना व्यक्त गरे । नेविसंघका जिल्ला अध्यक्ष पाण्डेले चिया खर्च बचाँएर विद्यार्थीलाई कापी कलम वितरण गरेकोमा धन्यवाद व्यक्त गदैँ आगामी दिनमा पनि सामाजिक कार्यमा लाग्न शुभकामना व्यक्त गरे ।

२०४७ सालमा स्थापना भएको विद्यालयमा कक्षा ३ सम्म पढाई भईरहेको छ । विद्यालयमा २७ जना विद्यार्थीहरु रहेका छन । पत्रकार पौडेलले बालशिक्षा देखी कक्षा ३ सम्म अध्ययन गरेको विद्यालय तथा धातिवाङ्गमा नै जन्मदिनमा मनाएका हुन ।