काठमाडौं २७ असोज । मोरङमा मोटरसाइकल दुर्घटना हुँदा एक युवकको मृत्यु भएको छ । मोरङको विराटनगर महानगरपालिका–१० स्थित प्रतिभा चोकमा मोटरसाइकल दुर्घटना भएको हो ।
पश्चिमतर्फ जाँदै गरेको बा४२प ९२३२ नम्बरको मोटरसाइकल शुक्रबार राति साढे ९ बजे अनियन्त्रित भई दुर्घटना भएको थियो।
दुर्घटनामा परि मोटरसाइकल चालक विराटनगर महानगरपालिका–८ का २२ वर्षीय लोकेश कर्णको मृत्यु भएको प्रहरीले जनाएको छ। दुर्घटनामा गम्भीर घाइते भएका उनको न्यूरो अस्पताल, विराटनगरमा उपचारको क्रममा मृत्यु भएको प्रहरीले जनाएको छ।
प्रतिक्रिया दिनुहोस्