कार्तिक ७, बुटवल ।
रुपन्देही उद्योग संघको एक टोलि आजबाट युरोपियन राष्ट्रका औद्योगिक शहरहरुको भ्रमणमा निस्केको छ ।
उद्योग स्थापना गर्दा अपनाउनुपर्ने कार्यहरु तथा उद्योगलाई पर्यावरण मैत्री बनाउने बिषयमा अध्ययन गर्न युरोपियन राष्ट्रको भ्रमणमा पठाईएको रुपन्देही उद्योग संघले जनाएको छ । उद्योग संघका अध्यक्ष गणेश प्रसाद अधिकारीको नेतृत्वमा भ्रमणमा निस्केको ३० जनाको टोलिलाई आज बुटवलमा एक कार्यक्रमका बिच बिदाई गरिएको थियो । टोलीलाई संघका अध्यक्ष परिषदका अध्यक्ष महेन्द्रनारायण श्रेष्ठले खादा तथा अविर लगाएर विदाई गर्नु भएको थियो ।
भ्रमण टोलिले युरोपका ५ राष्ट्र सहित अरबको एक देशको समेत भ्रमण गर्नेछ । रुपन्देही उद्योग संघका अनुसार युरोपका फ्रान्स, जर्मन, बेल्जीयम, नेडरल्याण्ड र स्विजरल्याण्डको भ्रमण गरि टोलि कटार हुंदै नेपाल फर्कने छ ।
उद्योग संचालनको बिधी र वाताबरण संरक्षण्मा उद्योगको भुमिकाको अध्ययन गरेर नेपालमा समेत उद्योग संचालनमा बिधि बुाल्न भ्रमण सार्थक हुने भ्रमण टोलिका सदस्य तथा रुपन्देही उद्योग संघका कार्यसमिती सदस्य युवराज आचार्यले जानकारी दिनुभयो ।
भ्रमण टोलीलाई संघका उपाध्यक्ष बाबुराम बोहोराले बिदाई गर्नुभएको थियो । बिदाई कार्यक्रममा उद्योगिहरुले भ्रमण समृद्धीका लागि फलदायी बनाएर फर्कन सुझाव दिएका थिए । टोलिमा १२ जना कार्यसमिती सदस्य र १८ जना रुपन्देहीको उद्योगिहरु रहेकाछन् ।