काठमाडौं, ८ कात्तिक । सिन्धुपाल्चोकको साँगाचोकगढी नगरपालीकामा २ दिने निशूल्क शिविर संचालन हुने भएको छ ।
चौतारा नगरपालिकाको आयोजनामा बीपी कोइराला क्यान्सर अस्पताल भरतपुरलको प्राविधिक सहयोग र थाहा फाउण्डेसन पोखराले शिविरको संयोजन गर्ने भएको छ ।

यहि महिनाको १२ र १३ गते संचालन हुने शिविरमा विरामीहरुले निशूल्क स्वास्थ्य जाँच गराउनुका साथै निशूल्क औषधी समेत वितरण गरिने भएको चौतारा नगरपालिकाकी उप प्रमुख जानुका पराजुलीले जानकारी दिइन । १२ गते साँगाचोकमा र १३ गते चौतारामा स्वास्थ्य परिक्षण हुने पराजुलीले बताईन ।

निशुल्क स्वास्थ्य शिविरमा पाठेघरको मुख तथा स्तन क्यान्सर स्क्रिनिङ चेक जाँच , भिआइए तथा अन्य रोगको समेत परिक्षण गरिने थाहा पाउण्डेशनकी अध्यक्ष सरु दाहाल अधिकारीले जानकारी दिईन ।
शिविरमा स्तन क्यान्सर सर्जन डा. सुनिल ढकाल तथा क्यान्सर रोग रोगथाम विशेषज्ञ किशोर प्रधाना«ंग प्राविधिक सिनियर मञ्जु शर्मा र तारा दवाडीको टिमले स्वास्थ्य परिक्षण गर्ने अध्यक्ष दाहालले जानकारी दिईन ।

निुशल्क स्वास्थ्य शिविरमा उपस्थिति भई स्वास्थ्य चेकजाँच गरि यथोचित लाभ लिन आयोजकले सम्पूर्ण महिला तथा पुरुक्षहरुलाई अनुरोध गरेको छ ।