धनकुटा , १२ कात्तिक । धनकुटा भएको सवारी दुर्घटनामा परी दुई जना गम्भिर घाईते भएका छन। सोमबार बिहान कोशी राजमार्गको धरान धनकुटा सडक खण्डमा पर्ने धनकुटा नगरपालिका वडा न ९ गुठिटार नजिक भएको दुर्घटनामा धनकुटा नगरपालिका वडा न ६ का २३ वर्षिया सुदिप जोशी र ५९ वर्षिया भागत बहादुर जोशी गम्भिर घाईते भएका प्रहरीले जनाएको छ।

घाईते भागवतको विराटनगरको न्यूरो अस्पतालमा र सुदिपको धरानस्थित विपी कोइराला स्वास्थ्य विज्ञान प्रतिष्ठानमा उपचार भइरहेको धनकुटा प्रहरी प्रमुख एसपी सुरेन्द्र बहादुर गुरुङले जानकारी दिए।

काठमाण्डौबाट तेह्रथुम आउँदै गरेको ना ७ ख १३४७ नम्बरको अग्नी यातायात नाम गरेको बसले धनकुटाबाट सुनसरीको धरान जाँदै गरेको को २२ प ५५१ नम्वरको मोटरसाइकललाई ठक्कर दिँदा दुर्घटना भएको थियो । ठक्कर दिने बस र चालकलाई मुलघाट प्रहरी चौकीले नियन्त्रणमा लिएको छ ।