दाङ, , १२ कात्तिक । दाङको गढवाबाट खैरो हेरोइन र गाँजा सहित तीन व्यक्तिलाई पक्राउ गरि सार्बजनीक गरिएको छ । महेन्द्र राजमार्ग अन्तरगत गढवा गाउँपालिका १ जुरौनी धानखोलाबाट दुई ग्राम खैरो हेरोईन, र १६ ग्राम गाँजासहित उनीहरुलाई पक्राउ गरिएको हो ।

पक्राउ पर्नेमा बाँकेको बैजनाथ गाउँपालिका १ चिसापानी निवासी ३९ बर्षीय नरवहादुर नेपाली, बैजनाथ १ गाभर निवासी ३२ वर्षीय भीमवहादुर रोकाय र बैजनाथ २ मकैवारी निवासी २५ बर्षीय छवि गुरुङलाई पक्राउ गरिएको ईलाका प्रहरी कार्यालय गढवाका प्रहरी निरीक्षक पञ्चलाल गोलेले बताउनुभयो ।

पोखराबाट कोहोलपुर जाँदै गरेको से १ च ११९० नम्बरको महेन्द्रा बोलेरोमा लुकाईछिपाई राखेको अवस्थामा उक्त परिमाणको खैरो हेरोईन, गाँजा र सोही बोलेरोसहित उनीहरुलाई पक्राउ गरिएको प्रहरीको भनाई छ ।

चालक सिटको अगाडि लुकाईछिपाई राखेको अबस्थामा हेरोईन र गाँजा बरामद गरिएको हो । उनीहरुको साथबाट एकलाख ५० हजार रुपैयाँ नगद समेत बरामद गरिएको प्रहरी निरीक्षक गोलेले बताउनुभयो । उनीहरुलाई गढवा प्रहरीले सोमबार बिहान १ बजे पक्राउ गरिएको हो ।