नेपालगन्ज १७ कात्तिक । बाँकेको कोहलपुरमा शुक्रबार साझ कार र मोटरसाइकल ठोक्किदा २ जनाको मृत्यू भएको छ । कोहलपुरको विद्यूत् रोड नजिकै बा ६ च ८२९९ नम्बरको कारको भे ८ प २४६६ नम्बरको मोटरसाइकललाई ठक्कर दिँदा मोटरसाईकलमा सवार २ जनाको मृत्यू भएको प्रहरीले जनाएको छ ।
इलाका प्रहरी कार्यालय कोहलपुरका प्रहरी निरिक्षक मानबहादुर बिसीका अनुसार दुर्घटनामा परेर बर्दिया ठाकुरबाबा नगरपालिका १ भूरिगाउँका ५५ वर्षिय काँशीचन्द्र न्यौपाने र ठाकुरबाबा नगरपालिका ९ ठाकुरद्धाराका ५० वर्षिय इन्द्रप्रसाद भट्टराईको मृत्यू भएको हो ।
उनीहरुको दुर्घटनास्थमै मृत्यू भएको बताइएको छ । ठक्कर दिने कार र चालकलाई प्रहरीले नियन्त्रणमा लिएर थप अनुसन्धान भइरहेको जनाएको छ ।
प्रतिक्रिया दिनुहोस्