रुकुम १३ मङसिर । जिल्ला प्रशासन कार्यालय रुकुम पश्चिमले गाउँमै पुगेर चौरजहारी नगरपालिकामा नागरिकता वितरण घुम्ति शिविर सुरु गरेको छ । जिल्ला प्रशाशक कार्यालय रुकुमले चौरजहारी नगरपालिका रुकुम पश्चिमको व्यवस्थापनमा नागरिकता वितरण शिविर सुरु गरेको हो ।

भौगोलिक अवस्था स्थानिय बासिहरुको सुविधालाई ध्यानमा राखेर संचालन गरीएको शिविरमा २३३ जनालाई नागरिकता वितरण गरेको छ ।

शिविरको पहिलो दिन १४७ महिला र ८६ पुरुषले नागरिकता प्राप्त गरेको प्रमुख जिल्ला अधिकारी शम्भुप्रसाद रेग्मीले जानकारी दिनुभयो ।

शिविर मार्फत जिल्लामै पहिलो पटक कम्प्युटरबाट नागरिकता प्रदान गरिएको उहाँको भनाइ छ । कम्प्युटरबाट नागरिकता वितरण भइरहेको र यसले सेवाग्राहीलाई छिटो–छरितो सेवा दिइएको प्रजिअ रेग्मीले बताउनुभयो ।

शिविरमा नागरिकता लिनका लागि दिनभर सेवाग्राहीको बाक्लो भीड लागेको थियो । एकदिनका लागि भनेर शिविरको आयोजना गरिएको भएता पनि सेवाग्राहीको भीड बढेपछि एकदिन समय थप गरेको बताइएको छ ।

शिविरमा नागरिकता वितरणसँगै जिल्ला निर्वाचन कार्यालयले मतदाता नामावली संकलन तथा अद्यावधिक समेत गरेको छ । त्यस्तै घरेलु तथा साना उद्योग विकास समितिको कार्यालयले पसल दर्ता, लघु उद्यमी दर्ता लगायतका काम गरिएको बताइएको छ ।

गाउँमै नागरिकता, मतदातानावलीमा नाम दर्ता लगायतका सेवा पाएपछि जन्ताहरुलाई सहज भएको नगरप्रमुख विशाल शर्माले बताउनुभयो