काठमाडौं,१५ पुस । रौतहतको कटहरिया नगरपालिकाका मेयर जेलबाट छुटेको खुशीयालीमा आइतबार सार्वजनिक बिदा दिइएको छ । तत्कालीन माओवादीबाट मेयरमा विजयी भएका सियाराम कुशवाहले खुशीयाली मनाउन नगरपालिकाभित्र सार्वजनिक विदा दिएका हुन ।

स्थानीय तहले पाउने अधिकारको दुरुपयोग गर्दै मेयरको लहडमा स्थानीय तहमा सार्वजनिक बिदा दिने निर्णयप्रति व्यापक आलोचना भएको छ ।

जेलबाट छुटेलगत्तै कुशवाह सत्तारुढ नेपाल कम्युनिस्ट पार्टी (नेकपा) अध्यक्ष पुष्पकमल दाहाल निवास पुगेका थिए ।  विश्व हिन्दु युवासंघ पर्साका संस्थापक अध्यक्ष काशी तिवारीको वीरगन्जमा भएको हत्या मुद्दामा उनी जेल परेका हुन् ।

वैशाख २७ गते काठमाडौँमा पक्राउ परेका मेयर कुशवाहलाई ९ महिना कारागार बसेपछि सर्वोच्च अदालतले सफाई दिएको थियो । उहाँ शनिबार नेकपाका केन्द्रीय नेताहरु सहित हेलिकोप्टर चढेर गृह नगर फर्किनुभएको थियो ।