काठमाडौ, २४ पुस । लामो समय रोकिएर सुचारु भएको शहीद स्मारक ए डिभिजन लिग सम्पन्न भएको छ । रेलिगेसन नभएकैले पनि यसपटकको लिगमा क्लवहरुलाई दवाव कम थियो । प्रतियोगितामा आफ्नो दवदवालाई मनाङ् मस्र्याङदी क्लवले कायम राख्न सफल रह“दै उपाधी कब्जा गर्न सफल रह्यो । त्यस्तै औषत मानिएको संकटा क्लबले प्रतियोगिताभर उत्कृष्ट प्रदर्शन गर्दै दोश्रो स्थान हासिल ग¥यो । तेश्रो स्थान भने उपाधीकै दाबेदार मानिएको थ्री स्टार क्लवले हात पारेको छ ।

मंगलबारको मनाङ मस्र्याङदी क्लव र फ्रेण्डस् क्लब तथा न्युरोेड टिम एनआरटी बीचको खेल सकिएस“गै शहीद स्मारक ए डिभिजन लिग २०७५ सम्पन्न भएको छ । रेलिगेसन विनै भएको खेलमा अन्तिम चरणका खेलहरु खेल्न बाकी रह“दै मनाङ्ले उपाधि सुरक्षित गरेको थियो । त्यस्तै प्रतियोगिताको उपविजेता औषत टिम मानिएको संकटा क्लवले हात पारेको छ ।

यता उपाधिकै दाबेदार मानिएको थ्री स्टार क्लबले भने तेश्रो स्थानमा चित्त बुझाउनु परेको छ । एन्फाको आयोजनामा असोज १३ गतेबाट सुरुभएको खेलमा मनाङ विजेता बनेको होे । यो स“गै आठौ पटक मनाङले शहीद स्मारक ए डिभिजन लिगको उपाधी हात पारेको छ । उपाधी विजेता मनाङले ५० लाख नगद पुरस्कार, दोश्रो हुने टोली संकटा क्लवले ३५ लाख प्राप्त गर्दा तेश्रो भएको थ्री स्टार क्लबले २५ लाखको उपाधि सुरक्षित गरेको छ । चौथो हुने टोली त्रिभुवन आर्मी क्लबले १५ लाखको उपाधि प्राप्त गर्ने भएको हो ।

सुरुवाती खेलबाटै उत्कृष्ट प्रदर्शन गर्दै आएको मनाङले अन्तिम खेलमा भने फ्रेण्ड क्लबस“ग पराजित बन्न पुग्यो । उपविजेता बनेको संकटा पनि आफ्नो अन्तिम खेलमा आएर पराजित बनेको थियो । एक खेल अगाडि नै उपविजेता पक्का भएको संकटा क्लब आफ्नो अन्तिम खेलमा विभागीय टिम एपीएफ क्लबसंग २–१ गोल अन्तरले पराजित भएपछि धक्का खाएको थियो ।

एन्फामा भएको लामो आन्तरिक द्वन्द र राजनीतिकरणको अन्त्यस“गै आएको नया“ नेतृत्वले राष्ट्रिय फुटवल विकासको मेरुदण्ड मानिने शहीद स्मारक ए डिभिजन लिग सम्पन्न गरेको छ । यद्यपी विना रेलिगेसन भएको लिगले गर्दा क्लवहरुमा कुनै दबाब देखिएन । फलतः लिग जति तात्न सक्थ्यो त्यती तातेन । आगामी दिनमा यी तमाम पक्षहरुलाई मनन् गरेर अघि बढ्न सके नेपाली फुटवल विकासमा सहजता आउन सक्छ