काठमाडौं,१४ माघ । गत शुक्रबार संघीय संसदको प्रतिनिधिसभाबाट पारित ’राष्ट्रिय चिकित्सा शिक्षा विधेयक, २०७५’ राष्ट्रियसभामा आज पेस हुने भएको छ ।
बैठक आज ११ बजे बस्ने भएको छ । प्रतिनिधिसभाबाट सन्देशसहित प्राप्त उक्त विधेयकलाई सभामा टेबुल गर्ने कार्यसूची रहेको छ । प्रमुख प्रतिपक्षी दल नेपाली कांग्रेसको विरोधकाबीच प्रतिनिधिसभाबाट गत शुक्रबार बहुमतले विधेयक पारित भएको थियो ।
विधेयक राष्ट्रियसभाबाट पनि पारित भएमा र त्यसपछि राष्ट्रपतिले प्रमाणीकरण गरेपछि मात्रै ऐनका रुपमा लागू हुनेछ ।
विधेयक सहमतिविपरित ल्याइएको भन्दै विगत १८ दिनदेखि डा गोविन्द केसीको अनसन जारी छ । डा केसीले सहमति अनुसारकै विधेयक नआएसम्म अनसन नतोड्ने बताउनुभएको छ ।
प्रतिक्रिया दिनुहोस्