बुटवल, १७ माघ ।
रुपन्देहीमा खेलकुद गतिविधिसंग्र सामाजिक कार्यमा अग्रसर रहदै आएको लाफा समुहले ब्याडमिन्टन प्रतियोगिता आयोजना गर्ने भएको छ । लाफा ब्याडमिन्टन समुहको आयोजनामा माघ १९ र २० गते प्रथम खुल्ला पुरुष ब्याडमिन्टन प्रतियोगिता २०७५ गर्ने भएको हो । पुरुष खुल्ला र पुरुष भेटान्स गरि दुई विद्यामा खेलाईने प्रतियोगितामा प्रथम हुने टिमले नगद ३१ हजार १ सय ११, दोस्रो टिमले नगद २१ हजार १ सय ११ र तृतिय हुने दुई टिमले नगद ११ हजार १ सय ११ सहित कप, मेडल र प्रमाणपत्रबाट पुरस्कृत गरिने समुहका अध्यक्ष केशब रानाले बताउनुभयो । यसैगरि भेटान्सतर्फ प्रथम १५ हजार ५ सय ५५, दोस्रो १० हजार ५ सय ५५ तथा तृतिय दुई टिमलाई ५ हजार ५ सय ५५ सहितकप, मेडल र प्रमाणपत्रबाट पुरस्कृत गरिने उहाले बताउनुभयो । प्रतियोगिताको खुल्लातर्फ ५५ तथा भेटान्सतर्फ ३२ टिमले भाग लिने खेल संयोजक यशपाल चौतारेले बताउनुभयो । समुहले खेलकुदसंगै वार्षिक रुपमा सामाजिक कार्यमा समेत अग्रसर रहदै आएको बताउनुभयो । खेलप्रेमी तथा समाजसेवी जबिन कक्षपतिले खेल क्षेत्रमा सरकारको लगानी नहुदा आर्थिक समस्या रहेको बताउनुभयो । प्रतियोगितामा ३ लाख ६० हजार खर्च हुुने आयोजकको अनुमान रहेको छ । समुहमा हाल ५३ जना बढी खेलाडी सदस्यहरु रहेका छन । पत्रकार सम्मेलनको कार्यक्रम संचालन समुहका सचिब बासुदेव लामिछानेले गर्नुभएको थियो ।