बुटवल २० माघ ।
बैंकहरुले सम्झौता बिपरित लगातार ब्याज बृद्दी गरेको भन्दै रुपन्देहीका उद्योगीहरुले आन्दोलनको घोषणा गरेकाछन् । उनीहरुले सरकारी निकायमा ज्ञापनपत्र बुझाउने देखि उद्योग बन्द गरेर तालाचाबी सरकारलाई बुझाउने सम्मका अँनदोलनको कार्यक्रम सार्वजानीक गरेकाछन् ।
आन्दोलनको कार्यक्रम सार्वजानीक गर्न आज बुटवलमा आयोजित पत्रकार सम्मेलनमा बोल्दै उद्योगीहरुले बैंकहरुको अनियन्त्रीत ब्याज बृद्दिले सरकारले घोषणा गरेको समृद्ध नेपाल सुखी नेपालीको लक्षलाई असर पु¥याएको बताएकाछन् । पत्रकार सम्मेलनमा बोल्दै रुपन्देही उद्योग संघका अध्यक्ष गणेश अधिकारीले ८ प्रतिशत ब्याजदरमा कर्जा सम्झौता गरेका बैंकहरुले ब्यवसायीलाई सुचना समेत नगरि १६ प्रतिशत सम्म पु¥याएको आरोप लगाउनुभयो ।
संघका पुर्व अध्यक्ष एजाज आलमले बैंकहरुले निक्षेपमा ब्याज घटाउने तर कर्जामा नघटाउने काम गलत भएको बताउनुभयो । निक्षेपमा राष्ट्रबैंकको निर्देशन मान्ने बंैकले कर्जामा पनि मान्नु पर्ने उहांको भनाई छ ।
संघका पुर्व अध्यक्ष पूर्व अध्यक्ष बोनिन पियाले बंैकका ब्याज तिर्न उद्योगीहरुले मिटर ब्याज लिन बाध्य हुनु परेको बताउनुभयो ।
बैंकहरुले राष्ट्रबैंकको निर्देशनलाई उल्लंघन गरेको भन्दै उद्योगीहरुले बंैकहरुलाई कालोबजारी गर्ने छुट नभएको बताएका थिए । शुक्रबार नेपाल राष्ट्रबैंक भैरहवा मार्फत राष्ट्रबैंकका गभर्नरलाई ज्ञापन पत्र बुझाएका उद्योगीहरुले प्रदेशको मुख्यमन्त्रीलाई ज्ञापनपत्र बुभाउने र सुनुवाई नभए उद्योगमा ताला लगाउने निर्णयमा पुगेको पत्रकार सम्मेलनमा जानकारी गराईएको थियो ।