बुटवल, ७ फागुन ।
रुपन्देहीमा जारी २१ औ तिलोत्तमा गोल्डकप नकआउट फुटवल प्रतियोगितामा विभागिय टिम नेपाल पुलिस क्लबका विजयी हुदै सेमिफाईनलमा प्रवेश गरेको छ । मंगलबार भएको खेलमा दार्जिलिङ्ग युनाईटेड भारतलाई २–० गोल अन्तरले पराजित गर्दै पुलिस सेमिफाईनलमा पुगेको हो । पुलिसको जितमा रबि पासवान नायक रहे । उनले ब्यक्तिगत एक गोलसंगै अर्को एक गोलका लागि अवसर सृजना गरेका थिए ।
बुटवल उपमहानगरपालिकाको संरक्षकत्वमा रुपन्देही जिल्ला फुटबल संघको आयोजनामा देविनगरस्थित एन्फा एकेडेमी टेक्निकल सेन्टरलाई खेलमैदान शुरुवातमा दाजिलिङ्गले आक्रमक खेल प्रदर्शन गरेको थियो । खेलको २० औ मिनेटमा दाजिलिङका कनोज केले पुलिसको डिफेन्सको कमजोरीको अवसरलाई सदुपयोग गर्दै गरेको प्रहार पुलिसका गोलकिपर रोशन खड्काले विफल पारिदिए । यसैगरि पुलिसका रबि पासवानले २२ औ मिनेटमा गरेको प्रहार पोष्टमा लागेर फर्किएक‍ो थियो ।
निक्कै प्रतिस्प्रर्धात्मक खेलको पहिलो हाफको ईन्जुरी समयमा पुलिसका रबि पासवानले गोल गरे । उनले वन भर्सेज वानमा दाजिलिङ्गका गोलकिपर सन्जिव राउतलाई विट गर्दै ग‍ोल गरेका थिए । पहिलो हाफमा गोल खाएपछि सम्हालिएको खेल प्रदर्शन गरेको दाजिलिङ्गलाई भाग्यले पनि साथ दिएन । धेरै गोलका अवसरहरु दाजिलिङ्गका स्ट्राईकरले गुमाए ।
खेलको ६८ औ मिनेटमा पुलिसका मिलन राईले जालि चुमाईका थिए ।
खेलमा विजयी टिमका प्रहरीका रबि पासवान म्यान अफ द म्याच घोषित हुदै नगद १० हजार र कपबाट पुरस्कृत भएका छन । प्रतियोगिता अन्तरगत बुधबार समुह ए को क्वाटरफाईनल खेलमा झापा –११ ले दाफिन्स एफसी क्यामरुनको सामना गर्ने छ ।
प्रतियोगितामा प्रथम हुनेले ८ लाख ८० हजार, द्वितिय हुनेले ५ लाख ५० हजार पुरस्कार र शिल्ड पाउने जिल्ला फुटवल संघले जनाएको छ । यस्तै उत्कृष्ट खेलाडीले एक थान स्कुटर, उत्कृष्ट फरवार्ड, गोलरक्षक, मिडफिल्डर, डिफेन्स र कोचले २५–२५ हजार रुपैया र शिल्ड पाउने छन ।