काठमाडौं ,१२ फागुन । वैज्ञानिक समाजवादी कम्युनिष्ट पार्टी , नेपाल निर्माणका निम्ति वैचारिक,राजनीतिक तथा सांगठनिक अभियान समिति दलित विभागले राष्ट्रिय भेला सम्पन्न गरेको छ ।

शनिबार काठमाडौको विजुली बजारमा देशै भरीबाट १०१ जना प्रतिनिधिका साथै पर्यवेक्षक र दलित समुदायको उल्लेख्य सहभागीतामा सम्मपन्न गरेको हो । भेलालाई सम्बोधन गर्दै वैज्ञानिक समाजवादी कम्युनिष्ट पार्टी नेपालका संयोजक आहुतिले नेपाली दलितहरूले विश्व समाजमा रहेका श्रमजीवी मानव जातिको मुक्तिका निम्ति संघर्ष गर्नु पर्ने बताउनु भयो ।

उहाँले विकसित विज्ञान प्रविधिमा आधरित वैज्ञानिक समाजवाद व्यावस्थाको पक्षमा नलागीकन दलित मुक्ति आन्दोलन अघि बढ्न नसकने धारणा समेत राख्नुभयो । जात व्यावस्था उन्मुलन मोर्चा ,नेपालका नव निर्वाचित संयोजक राजकुमार हिङमाङले नेपाली दलितहरुले अब दक्षिण एसियाका २१ करोड दलित र विश्वका दलितहरुको मुक्तिकालागि नयाँ कार्य दिशा सहित अगाडि बढ्नु पर्ने बताउनु भयो ।

त्यस्तै गरि महिला विभागका संयोजक धनकुमारी सुनारले महिला मुक्ति र दलित महिला मुक्ति को प्रक्रियालाई राजनितिक आन्दोलनसंग जोडेर लानु पर्ने धारणा राख्नु भयो । युवा विभागका संयोजक वलराम न्यौपानेले दलित मुक्ति आन्दोलनलाई गैरदलितले अग्र मोर्चामा रहेर साथ दिनु पर्ने बताए ।

विद्यार्थी विभागकी संयोजक राजेश्वरी सुवेदीले विद्याथी आन्दोलनसंगै दलित मुक्ति आन्दोलन जोडेर लानु पर्ने बताउनु भयो ।

कार्यक्रम संचालनको क्रममा बुद्धि राम ठटालले अबको दलित आन्दोलन परम्परागत ढंगले होईन नयाँ समाजववादी एकताले मात्रै अगाडि बढाउन सकिने बताउनु भएको छ ।

कार्यक्रममा जात व्यावस्था उन्मुलन मोर्चाको पहिला बैठकले सातै प्रदेशमा भेलाका लागि संयोजक समेत तोकेको छ । जात व्यावस्था उन्मुलन मोर्चा ५१ सदस्यीय केन्द्रीय समिति गठन गरेको छ ।

संयोजक (राजकुमार हिङमाङ खोटाङ,बुद्धि राम ठटाल सोलुखुम्बु ,रोहित हिङमाङ पाँचथर,खगेन्द्र विक झापा ,उर्मिला दर्नाल सुनसरी ,हिरा माया विक खोटाङ ,निर्मला हिङमाङ झापा ,दिलकुमारी लोहार उदयपुर ,किसोर पोख्रेल धनकुटा ,विनोद लाखे उदयपुर ,सौगात सिवा मोरङ , दिपनारायण दास धनुषा ,राजकुमार मण्डल सिराहा , परमेश्वर महरा धनुषा ,मनोज महरा महोत्तरी, उर्मिला वर्देवा सर्लाही,काली वहादुर वि क सरलाही,उत्तर कुमार रहपाल सर्लाही,मनोज राम पर्षा .फुगनी सदा सिराहा ,सफल दर्नाल सरलाही ,सरोज पाश्वान सिराहा ,छत्र लाखे सिन्धुली ,गोविन्द विस्वकर्मा चितवन ,.नरेश परियार काठमाण्डौ ,सिताराम नेपाली सिन्धुपाल्चोक,केदार घतानी काभ्रे,कर्ण वहादुर सुनार काभ्रे ,रेखा विस्वकर्मा मकवानपुर ,कमला विस्वकर्मा भक्तपुर ,राम कुमार भित्रीकोटी काठमाडौ ,ममता रसाईली काठमाडौं,सुदिप गहतराज मकवानपुर ,धर्म दुलाल काठमाडौं ,लक्ष्मी नेपाली चितवन,सुमित्र खाती मकवानपुर ,रत्न विसुखें ललितपुर ,रुकु रणपाल स्याङ्जा, चित्र वहादुर विक कास्की ,सुर्य साही स्याङ्जा,गोपाल नेपाली वादी रुकुम , दिलेन्द्र सुनार जुम्ला ,भीम परियार सल्यान,वम वहादुर विक अछाम ,प्रदिप टमटा कञ्चनपुर ,टिकाराम वयलकोटी नुवाकोट । भेलाले दलित संगठनको नाम “जात व्यावस्था उन्मुलन मोर्चा “ घोषणा समेत गरेको छ ।